Pani: ricchizza ‘i l’omu
di Elisa Zappino
Si je’ di farinata
Ti teni ‘na jornata;
di ranu o di canigghja
ti spama la famigghja.
O sulu o accumpagnatu,
o friscu o ammogghiatu
mu russichj ‘i mumenti
cu moli o senza denti[MORE]
Cu l’avi non ci penza:
su jetta nta la panza,
o l’usa ‘u cassaria
‘mportanza non di pia.
Cu ‘mbeci ‘ u va trovandu
Mu spama li cotrari
Pemmu ponnu campari.
Pe nui chi l’avimu
‘i sacrifici né sapimu.
No’ volimu, can di ‘ngruppa
Si ndi resta pe’ ‘nta suppa.
Sa’ cascia è bovanti
Pregamu tutti i Santi
Mu ndi veni ‘i ‘ncuna vanda:
‘u Signuri mu ndu manda.
Mangiati e nno sciunduti
Ca puru cchi mujichi
Ndi pigghjanu l’aceji
E i mani di povareji.
D’ogni vita è tantu amatu
E di l’omu fatigatu.
O mucatu o addimuratu
No jettamu… ch’è peccatu
(fonte CalendaVibbu dumila’11 – Calendario Vibonese)
Vuoi restare sempre aggiornato con le notizie più importanti?
Iscriviti ai nostri canali ufficiali:
Riceverai in tempo reale tutti gli aggiornamenti direttamente sul tuo smartphone.
